Tradisjon tru kjem årsskriftet Levd Liv ut i år også. Årets utgåve er den sjuande. Sidan starten i 2004 har årsskriftet fått ei form og eit innhald som formidlar lokalhistoria i Ulstein på ein god måte. Det er lagt stor vekt på billedbruken, noko som vi har fått positive tilbakemeldingar på.

Formidling av vår lokale historie er svært viktig. Ulstein Historielag ser på dette som si fremste oppgåve.

”Levd Liv, årsskrift for Ulstein historielag” kjem ut med bok nr. 6 i haust.
Årsskrifta til Ulstein historielag har vorte kjærkomen lesnad for mange. Også i år er det artiklar frå dei fleste bygdelaga og med god spreiing på tidslina. Årsskriftet har fått ros mellom anna for å ha gode personpresentasjonar. Det blir fleire av desse også i år, både av kvinner og menn. Ein har også lagt vinn på å ha både korte og lengre artiklar. Her skulle det vere noko for ein kvar smak.

ISBN: 978-82-91139-51-7

Spørjebøker er både underhaldandande og lærerike. I denne boka finn du 333 spørsmål frå Hareidlandet,  333 spørsmål frå Møre og Romsdal og 333 spørsmål frå heile Noreg. Kose deg med dei!

ISBN 978-82-91139-63-0

Tidlegare redaktør Skjalg Longva har bladd gjennom gamle årgangar av Møre-Nytt og funne eit skattkammer. Så langt har han registrert over seks hundre artiklar som vart skrivne spesielt for avisa sine julenummer. Mange av artiklane fortener ein betre lagnad enn å døy med dagsavisa, synest Longva. I denne boka har han samla eit utval av artiklane. Tjuetre forfattarar er representerte og boka spenner over ein periode på nesten tretti år. Det viktigaste kriteriet for utvalet er at artiklane skal vere godt lesestoff.

ISBN: 978-82-91139-56-2

”Is, skuter og folk “Isflaket” 10 år”, inneheld eit utval artiklar frå dei første 10 åra med “Isflaket”. Artiklane handlar ikkje først og fremst om skutene, men om folka som var med dei på selfangst, ekspedisjonar og overvintring.

ISBN: 978-82-91139-54-8

Herøydama Lillian Øvrelid Berge har skrive og teikna barneboka ”Den vesle grå mannen som hadde gløymt fargane”. Boka er på nynorsk og kjem ut på Spor Forlag i Ulsteinvik. Nynorske barnebøker er mangelvare, så dette er ei kjærkoma utgjeving.

Forteljinga er underfundig, og i tillegg til å vere engasjerande for ungane, har noko å seie til den vaksne lesaren om å sjå kvarandre.

ISBN: 978-82-91139-52-4